Hum Buton Ko
(How we worship these idols)

zulf e barham sambhal ker chaliyeh raasta daikh bhaal ker chaliyeh
mausam e gul hai apni baahon ko meri baahon mein daal ker chaliyeh

misaal-o-maora hone se pehle khuda kya tha khuda hone se pehle
tabiyat ko tabiyat se badal lo tabiyat ko aashna hone se pehle
baja hone ki hai sirf aik surat ghalat hoja baja hone se pehle

muskura ker khitaab karte ho aadatein kiyoon kharab karte ho
ho chuka jo hisaab hona hai aur ub kya hisaab karte ho
yeh nayi ehtiyat dekhi hai aaine se hijaab karte ho
aik din ay Adam na pee to kya rooz shaghal e sharaab karte ho

roshni ko sharaab kehte hein jaam ko aaftab kehte hein
rukh ko parde mein dhaanpne walo husn ko be-naqaab kehte hein
jin ke dil aaina'sifat ho Adam unko ehl e kitaab kehte hein

hum buton ko...

hum buton ko jo pyar karte hein, naql e parwardigar karte hein

kya muhabbat bhi koi paisha hai, loag kyun itne pyar karte hein
itni qasme na khao ghabra ker, jao hum aitebar karte hein
ub bhi aa jao kuch nahi bigra, ub bhi hum intizar karte hein

dushmani ghair to nahi karte, yeh sharafat to yaar karte hein
tu khafa ho ya khush magar hum to, waqai tujh se pyaar kate hein
khubiyon ko bhi qadardan Adam, khamiyon mein shumaar karte hein

saaz e hasti baja raha hoon mein, chashm e masti mana raha hoon mein
kya ada hai nisaar hone ki, unse pehlo bacha raha hoon mein
kitni pukhta hai meri naadani, tujh ko tujh se chupa raha hoon mein

dil dubota hoon chashm e saqi mein, mae ko mae mein mila raha hoon mein
aapko jeetne ke dhoke mein, jaan ki baazi laga raha hoon mein
unko milne ki aarzu mein Adam, apne nazdeeq aa raha hoon mein

hum buton ko jo pyar karte hein, naql e parwardigar karte hein

back to nfak page: Click Here

pardon the errors
Feel free to E-Mail Me for anything
roOq Karachiite :)