Uske Ghar Mein
(Lamps of Jubilation in their Home)
aaa (Sufi Chants)
shama bekaar hai jis mei ke ujala na howa
shama bekaar hai jis mei ke ujala na howa
shama ne jaan li is wehm mein parwanay ki
ke kaheen aam na karde yeh kaheen raat ki baat
shama bekaar hai jis mei ke ujala na howa
husn bekaar hai gar chaahne wala na howa
jab idhar hasraton ke daagh jalay
uske ghar pyaar ke charaagh jalay
uske ghar mein jalein ge khushi ke diyeh
shamm e hasrat bujhay gi mere dostoo
jis rooz mein shehr mein qatal howa
eid manayi logo ne...
uske ghar mein jalein ge khushi ke diyeh
shamm e hasrat bujhay gi mere dostoo
uski baraat nikle gi jab dekhna
meri mayyat uthay gi mere dostoo
na janay kya wo samjhay
aa gaye shehnaaiyan le ker...
uski baraat nikle gi jab dekhna
meri mayyat uthay gi mere dostoo
yaad mein teri... jahan to bhoolta jaata hoon mein
bholnay walay! kabhi tujh ko bhi yaad ata hoon mein
aaina bun ker maqabliat tere aata hoon mein
bandagi mein phir khudayi ki jhalat pata hoon mein
aap ko pata nahi jab aap ko pata hoon mein
ya to kho jata hoon mein ya kho diya jata hoon mein
aagay aagay jhoomta jata hai wo mehshar khiraam
peeche peeche naqsh e pa ko choomta jata hoon mein
ay wafa na aashna kab tak sunoon mein tera gila
loag tujh ko bewafa kehte hein sharmata hoon mein
yoon muhabbat mein ik din sataye ga wo
saray waday wafa ke bulaye ga wo
aray chor ker jis ghari mujh ko jaye ga woh
meri dunya lutay gi mere dostoo
mukammal ker raha hoon apni barbaadi ke samaan ko
duaein de raha hoon jaan ker us dushman e jaan ko
nazar mein wus'atein paaon mein kaante khaak baalon mein
tera deewana apne saath laya hai biyabaan ko
niyaaz o naaz ki tasveer koi khainch le us dam
churaein ge wo daama'n aur mein liptoon ga daama'n ko
chor ker jis ghari mujh ko jaye ga woh
meri dunya lutay gi mere dostoo
jis ne mukhra chupaya hai dildaar ka
jis se deedar hota nahi yaar ka
uske jalwoo ka hoga nazara mujhe
jab wo chilman hatay gi mere dostoo
aray toor per muskuranay se kya faida
parde parde mein aanay se kya faida
chupp ke jalwa dikhanay se kya faida
ub nazar aazmanay ka kya faida
uske jalwo ka hoga nazara mujhe
aashiq ko dekhte hein dupattay ko thaan ker
dete hein hum ko sharbat e deedar chaan ker
uske jalwo ka hoga nazara mujhe
jab wo chilman hatay gi mere dostoo
baad marnay ke hogi mayassar khushi
jis ne cheeni hai mujh se meri zindagi
phool le ker charhanay wo aaye ga jab
meri turbat sajay gi mere dostoo
aaye rukh per chor ker gesu jo bal khaye howay
mei ne dekha chaand per do saanp lehraye howay
baad e murda be raha bargashta mujh se wo sanam
faatiha ko phool bhi laya to murjhaye howay
phool le ker charhanay wo aaye ga jab
meri turbat sajay gi mere dostoo
hoga maalom phir tum ko dard e jigar
tum bhi tarpo ge meri tarah umr-bhar
ishq ki chout kehta hai sadiq tumhein
tumko jis dam lagay gi mere dostoo...
Song 1: Dil Jala Kar (18:27)
Song 2: Tera Har Sitam (13:50)
Song 3: Uske Ghar Mein (16:17)
Song 4: Tera Darshan Bhi (15:43)
back to nfak page: Click Here
pardon the errors
Feel free to E-Mail Me for anything
roOq Karachiite :)