Yeh Hai Maqam e Zindagani (The Station of Life)
yeh sitare hein motiye ke phol, kis ki mala fiza mein toot gayi
chaand peeta hai kis ke maathe ka, raat kis ka suhaag loot gayi
Aaa... (Sufi Chants)
sitamgari ke tareeqe sikhaye jaate hein
haseen bante nahi hein banaye jaate hein
hamari is bazm mein us bazm mein hai farq itna
wahaan charaagh yahaan dil jalaye jaate hein
Aaa... (Sufi Chants)
mere khoon-e-aarzoo ko woh samajh rahay hein paani
mere khoon-e-aarzu ko woh samajh rahe hein pani
mere khoon-e-aarzoo ko woh samajh rahay hein paani
unhein hosh tak na aaya, meri lut gayi jawaani
abhi tak wo galiyan haseen hein jawaan hein
jahaan hum ne apni jawaani luta di
khirad ko yeh zidd thi na lut'ti jawaani
isi zid pe mein ne jawaani luta di
meri lut gayi jawaani, meri lut gayi jawaani
meri lut gayi jawaani, meri lut gayi jawaani
kaha jo mein ne un se mein ne jawani luta di
jawaani luta di jawani luta di
woh bole mohabbat mein lut jaate hein deen o eeman
bara teer mara jawani luta di
meri lut gayi jawaani, meri lut gayi jawaani
meri lut gayi jawaani, meri lut gayi jawaani
shabaab e umar jata hai khizaan kehti hai aane ko
jawani roothi jati hai kisay bhejon manane ko
meri lut gayi jawaani, meri lut gayi jawaani
meri lut gayi jawaani, meri lut gayi jawaani
peeri mein kham kamar mein nahi
zof e qamar mein jhuk ke dhoondhta hoon jawani kidhar gayi
meri lut gayi jawaani, meri lut gayi jawaani
meri lut gayi jawaani, meri lut gayi jawaani
unhein hosh tak na aaya meri lut gayi jawani
unhein hosh tak na aaya meri lut gayi jawani
mein ne pehle he kaha tha ke yeh her adaa hai faani
ke yeh her adaa hai faani faani
ke yeh her adaa hai faani faani
aray kuch bhi nahi siwaye musalsal faraib hai
dekha hai zindagi ko nihayat qareeb se
ke yeh her adaa hai faani faani
ke yeh her adaa hai faani faani
oonche oonche makaan they jinke
aaj wo tung gor mein hein paray
ke yeh her adaa hai faani faani
ke yeh her adaa hai faani faani
????? rahay ga Allah ka
ke yeh her adaa hai faani faani
ke yeh her adaa hai faani faani
dil e badnaseeb tu ne meri baat hee na mani
na mita tu thookron se yeh nishaan e qabr zaalim
aray yeh he aakhri bachi hai tere hijr ki nishaani
kabhi lab pe aah o nale kabhi dil mein gham ke chaale
ke bara he sakht niklaa yeh maqaam e zindagani
zindagi... zindagi kya hai!
anaasir ka zahoor e tarteeb aur maut kya hai inhe ajzaa ka pareeshan hona
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
zindagi... zindagi kya hai!
zindagi kya kisi muflis ki qabaa hai jis mein
her ghari dard ke pewand laga karte hein
aray zindagi kya?
khanakte howay sikkon ki sada aur maut kya hai ke bhari jaib ka khaali hona
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
qabr ke chokte khaali hein inhein bhi dekho
janay kab konsi tasveer saja di jaaye
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
dard ke rung mein kya dhali zindagi
bun gayi mustaqil bekali zindagi
tum chalay ho to is ko bhi lete chalo
mere kaam ke khookli zindagi
mein gham e zindagi mein tarapta raha
muskurati rahi manchali zindagi
tehni tehni pe ashqon ke ghunche khilay
dard ki rut mein phooli phali zindagi
uff woh mausam judai ka tapta howa
dhoop kya chaoon mein bhi jali zindagi
her qadam per nayi aik thokar lagi
saath mere jahan tak chali zindagi
ho ke majboor phir naaz kehna para
yeh maqaam e zinde zindagani...
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
Namrood nahi Shad'daad nahi dunya mein qaum e Aad nahi
kya Luut ki qomein yaad nahi kya Nooh ka toofan bhol gaye
mou dekh liya aaine mein aur daagh na dekha seene mein
afsoos ye aise jeene mein anjaan ko nadaan bhol gaye
kyun yaad se ghaafil hote ho, kyun umr gunah mein khoote ho
kyun sheesh mehl mein sote ho, kya gor e ghareeban bhol gaye
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
behte hein hum to pehle he aankhon mein dhol daale
ay roo e yaar tu ne parde fizool daale
nerangi e zamana turbat se koi pooche
baazon ne khaak dali baazon ne phool daale
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
aray zindagi... zindagi kya hai?
zindagi azdaat ka pai'mane lutf o ittefaq
aik ham-a-hangi miyan e jazba e wasl o firaq
aik atal meesaq mabain e jamood o inshiqaq
kher o shar ka sulho nama shamesar sarka wifaq
zindagi kya hai...
zindagi Yusuf Zulekha Qais Laila naldaman
eid ki mae, choudwi ki raat, chothi ki dulhan
aik kahankti lab'kushai, aik chubukta bankpan
rung sagar, raag mandar, roop mala, phol bun
jiski qarno-o-khujla-e-qudrat mein rakhwali howi
titlion ki rasm saqi chaon mein pali howi
zindagi kya hai...
zindagi bageshri sarang thi pakso'hini
buttarashi raqs mousiqi khitabat shairi
pankhri titli sanobar doobnafli chandni
ardabani aasmani zafrani zindagi
laajvanti madbhari komal suhani zindagi
zindagi kya hai...
zindagi murte howay patte pe boondo ki khanak
subh-e-sarma ki kiran shaam-e-bahara ki dhanak
bol titli ki uran, awaz konday ki lapak
kobti birkha mein sarangi ke taro ki lachak
shehr-e-tan mein phoolwalo ki gali hai zindagi
aur gardan-e-aafaq mein champakali hai zindagi
aur maut?
naam jis ke maut se uthta hai seene mein dhuwan
farq-e-hasti per karak urhti hai dehshat ki kaman
dil pe rakh deta hai khouf-e-marg wo baar-e-garan
bolne lagti hein sehme zindagi ki haddiyan
aray koi narmawaz koi dastan bhaati nahi
aray maut yaad aa jaye to raaton ko neend aati nahi hai
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
aik roz su e gor e ghareeban mera howa guzar
paaon se takra gaya mere kisi murde ka sir
lagte he thokar yeh khoopri ne di sada
kis qadar maghroor hai tu dekh ker chal raasta
mein howa hairaan us khoopri se yoon kaha
kaun hai tu naam kya hai kuch pata apna bata
sun ke phir meri sada khoopri ne yoon kaha
ke mein bhi tha aik baadshah dunya mein mera raaj tha
mere qabze mein thi dunya mere sir per taaj tha
ay aziz sub se bara lashkar mera sub se zyada maal o zar
kaate jatay ishare per mere laakhon ke sir
mein khuda e waqt tha jaari mera farmaan tha
maut ko bhola tha mein uska na mujh ko dhyaan tha
laikin maut jab aayi mila matti mein wo sara gharoor
maal o zar ko chor ker aana para dunya se door
haan isi sir mein bhara tha shehenshahi ka gharoor
ub wohi sir thookaron se ho gaya hai chakna choor
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
ay dil chal shehr e khamosha ik baar
mein dikhaon tujh ko murdo ke mazaaro ki qataar
ay dil yeh wohi hein jinhein mehlo mein neend aati thi
her pari khwaab mein aati thi aur jaati thi
ay dil yeh wohi hein inhein na to mandir ki na masjid ki khabar hoti thi
narm bistar pe sada umar basar hoti thi
ay dil yeh wohi hein kisi ko chaako se mara kisi ko goli se
kisi ki le gayi dulhan utha ke doli se
ay dil pooch, pooch inse
kya howa wo maal jo tum ne jora tha
aray maal to maal yeh kapre bhi nahe laaye hein
wo bhi auron ke pehene ko chor aaye hein
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
aray jab tak dam hai tere seene mein yeh makaan tera hai yeh makaan tera hai
warna ghangor andhere mein tera dera hai
aur yeh tere gharwalay tujhe inaam kya kam denge
teri zameen daulat aapas mein baant lein ge
aray jin azizon ke liyeh tu ne is dunya mein dhan ko jora hai
unhe ne laake andhere mein tujh ko chora hai
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
aray zindagani kya hai ja ker karbala walo se pooch
Sarwar e qoun o makaan ki goud ke paalon se pooch
zindagani ke liyeh laakhon ke aagay datt gaye
aik aik ker ke sir e maidaan bahattar kat gaye
deen per qurbaan Akbar ki jawani ho gayi
surkhuru laikin fizaye zindagani ho gaye
hazrat e Abbas ke baazu agarche kat gaye
zulm ke badal fizaye zindagi se chat gaye
piyaas ke maaro ki tapti rait per betaabiyan
likh rahi hein zindagani ke liyeh shadabiyan
dekh ker pewast Asghar ke galay mein teer ko
zindagi kuch aur bhi dilkash lagi Shabbir ko
zer e khanjar jab adaa ki ibn e Haider ne namaaz
sir kata ker aur bhi kuch ho gaye wo sarfaraz
ghaazion ke khoon se phulwari wafa ki khil gayi
zindagani ko masaib se rihayi mil gayi
seh ke sadme aik musalsal shadmani pa gaye
waar ker jaan e hayat e javidani paa gaye
aur neze ki ani pe charh ke yeh farma gaye
yeh maqaam e zindagani, yeh maqaam e zindagani
yeh maqaam e zindagani, yeh maqaam e zindagani
ke bara he sakht nikla yeh maqaam e zindagani...
Song 1: Dil Na Bas Mein Agar Ho (31:06)
Song 2: Mere Khoon-E-Aarzoo (30:14)
back to nfak page: Click Here
pardon the errors
Feel free to E-Mail Me for anything
roOq Karachiite :)